Azərbaycanın inkişaf edən informasiya və kommunikasiya texnologiyaları sektorunda fəaliyyət göstərən “BeeOnline” brendi altında abunəçilərə müxtəlif telekommunikasiya xidmətləri təklif edən qabaqcıl internet televiziya şirkətidir. “BeeOnline” öz fəaliyyətində daim yeniliklər təqdim edən, ən son rəqəmsal xidmətlərdən istifadə edən, abunəçilərə interaktiv və eyni zamanda çox rahat bir interfeysdən istifadə imkanı yaradan internet televiziya brendi olaraq istifadəçilər üçün İPTV və OTT texnologiyaları sahəsində böyük imkanlar açır. Daim yenilənən kontent, interaktiv interfeys, internet xidmətin mümkün olduğu istənilən məkanda müasir televiziya xidmətinə qoşulma imkanı, xidmətlərə abunə olmaq üçün artıq əhatə dairəsi anlayışının olmaması həm şirkət, həm də abunəçilərə geniş üstünlüklər verir.
Qeyd edək ki, dünya miqyasında hər gün inkişaf edən informasiya və kommunikasiya texnologiyalarının şirkətin fəaliyyətində tətbiq edilməsi abunəçilərə keyfiyyətli yayımdan zövq almağa, onların istək və arzularına uyğun kontenti seçməyə və izləməyə şərait yaradır. Şirkət fəaliyyətində müştəri məmnuniyyəti, yenilikçilik, peşəkarlıq, komanda ruhu kimi prisipləri rəhbər tutur.
Abunəçilərin rəy və təkliflərinin diqqətlə dinlənilməsi, telekommunikasiya sferasında yeni yanaşmaların tətbiqi, xidmətin istifadəçilərinin yüksək keyfiyyətli televiziya xidməti ilə təmin edilməsi üçün qabaqcıl standartlardan iş prosesində istifadə, fəaliyyətdə yüksək texniki və etik standartların gözlənilməsi, dünyanın inkişaf etmiş ölkələrində tətbiq edilən və vətəndaşların həyatını asanlaşdırmağı hədəfləyən ən müasir texnoloji sistemlərin ölkəyə gətirilməsi və abunəçilər üçün qurulması şirkətin əsas hədəflərindəndir.
Şirkət təklif etdiyi internet televiziya xidmətində müxtəlif dillərdə geniş kanal siyahısı və optimal tariflər təklif edir və abunəçilərə keyfiyyətli xidmət göstərən proqressiv düşüncəli peşəkar bir komandaya malikdir. Şirkət Azərbaycan Respublikası Milli Televiziya və Radio Şurasının verdiyi müvafiq lisenziya əsasında internet televiziya yayımını həyata keçirir.
“BeeOnline” hazırda abunəçilərə aşağıdakı xidmətləri təklif edir:
İP TV (İnternet Protocol Television) xidməti: İPTV – İnternet Televiziya İP protokolu üzrə məlumatların ötürülməsi şəbəkələrində rəqəmsal interaktiv televiziya texnologiyasıdır ki, bu ənənəvi və ya kabel televiziyası xidmətinin əhatə dairəsinin olmadığı, internetə çıxışın olduğu istənilən bir məkanda televiziya xidmətini izləməyə şərait yaradır. Bu televiziya xidməti internet qoşulmanın olduğu istənilən məkanda əlçatandır. İnternet televiziya xidməti abunəçilərə HD yayımdan zövq almağa, “Standart” paketə daxil olan 200-ə yaxın kanalı internet üzərindən izləməyə imkan verir. İPTV xidməti ilə Siz dünyanın ən maraqlı və yüksək reytinqli xəbər, musiqili-əyləncəli, maarifləndirici, uşaq, kino və idman kanallarını izləyə, keyfiyyətli HD yayımdan zövq ala bilərsiniz.
OTT (Over the Top) xidməti: OTT televiziya xidməti video siqnalın abunəçinin istifadə etdiyi platformaya – noutbuk, planşet, mobil telefon, Set Top Box qurğusuna ötürülməsi və yüksək keyfiyyətli yayımın son istifadəçiyə (abunəçiyə) təqdim edilməsidir. OTT xidməti abunəçiyə yüksək keyfiyyətli və maraqlı kontentin, televiziya xidməti ilə eyni anda müxtəlif əlavə xidmətlərin (internet, sosial şəbəkələrə çıxış, radio, kino bazası və digər interaktiv xidmətlər) təqdim edilməsini nəzərdə tutur. Bu sistem televiziya xidmətinin istənilən yerdə və istənilən platformada mümkünlüyü deməkdir. OTT xidməti ilə abunəçi abunə olduğu kanal paketini evdə, ofisdə, səyahət edən zaman internet xidmətinin olduğu hər məkanda izləyə bilər.
Otel TV sistemlərinin quraşdırılması xidməti: “BeeOnline” korporativ müştərilərə Otel TV sistemlərinin quraşdırılması xidmətini təklif edir. Bu xidmət müvafiq otellərdə televiziya xidmətinin istifadəyə verilməsini, müştərinin zövqünə uyğun televiziya sisteminin qurulmasını özündə ehtiva edir. Korporativ müştərilər üçün təqdim olunan Otel TV xidməti onların istəklərinə uyğun olan HD keyfiyyətli televiziya xidmətini quraşdırmaq imkanı yaradır.
Ağıllı Ev sistemlərinin quraşdırılması xidməti: Ağıllı Ev sisteminin qurulması xidməti şirkət tərəfindən həm fərdi, həm də korporativ müştərilərə təqdim olunur. Bu xidmət evinizdə ən son texnoloji yeniliklərin tətbiqini, evinizin idarə edilməsinin avtomatlaşdırılmasını və həmçinin daha da asan və təhlükəsiz olmasını özündə əks etdirir. Ağıllı Ev sistemi sizin evinizdə olan bütün sistemlərin – işıq, havalandırma, mərkəzi kilid, internet, kamera nəzarəti, qaz, su, istilik sistemi, televizor, məişət texnikası və s. sistemlərin vahid platformadan idarə edilməsi deməkdir. Qeyd edək ki, Ağıllı Ev sisteminin qurulması müştərinin həyatınızın asanlaşdırılmasını, evin daha təhlükəsiz və etibarlı olmasını və idarəetmədə müasir standartların tətbiq edilməsini hədəfləyir.
Hər növ kamera sistemlərinin quraşdırılması xidməti: Qeyd olunan xidmət fərdi və korporativ müştərilər üçün hər cür kamera nəzarəti sistemlərinin qurulmasını nəzərdə tutur. Kamera sistemləri fərdi evlər, korporativ müştərilərin şirkətləri, ofisləri, müxtəlif idarə və müəssisələrdə ən son texnoloji yeniliklərdən istifadə etməklə qurulur və istifadəyə verilir. Kamera nəzarəti sisteminin qurulması fərdi və korporativ müştərilər üçün operativ nəzarət və əlavə təhlükəsizlik imkanları yaradır.
